الأدوات المستخدمة فى الرسم

بســــــــم الله الرحمن الرحيم

السلام عليكم

انا حبيت اعمل الموضوع ده علشان اى حد مش عارف الادوات المستخدمه فى الرسم بالزيت او الرصاص او الفحم او غيره يعرفه

و يارب نستفيد كلنا

*------------------------------------------*

اولا
ادوات الرسم بالألوان الزيتيه...


1 فرش زيتيه (و منها الصغير و الكبير و الناعم و الخشن و بالطبع كل حاجه ليها استخدامها) و دى صوره لأنواع الفرش المستخدمه
[ندعوك للتسجيل في المنتدى أو التعريف بنفسك لمعاينة هذه الصورة]

وممكن ان نستخدم هذه الفرش(فرش الدهان الكبيره (بالبوصا)) و بيكون اغلب استخدامها فى الـتحضير(Underpainting)

[ندعوك للتسجيل في المنتدى أو التعريف بنفسك لمعاينة هذه الصورة]

2 التوال(قماش مدهون بالغيرا و
السانيتون) موجود جاهز فى مكتبات الفنون و ممكن اننا نعمله بإيدينا (لو حد
عاوز الطريقه يقول و انا حعرفهاله)
[ندعوك للتسجيل في المنتدى أو التعريف بنفسك لمعاينة هذه الصورة]

3 الحامل (الاستاند) و منه خشبى و منه معدن -منه ثابت و منه بيتفكك و بيصغر علشان يحمل لو فى لانداسكايب او غيره
الافضل هو الثابت الكبير
ودى صوره لنوع منه و لكن بالطبع فيه انواع كتير تانيه

[ندعوك للتسجيل في المنتدى أو التعريف بنفسك لمعاينة هذه الصورة]

4 الوسيط المستخدم فى الرسم بالالوان الزيتيه هو(زيت بذر الكتان النى(اللى
هو الزيت الحار بتاع الاكل يعنى:D)) و معه تربانتين نباتى(فرنساوى) بنسبه
8 زيت الى 1 تربنتين (و ممكن نزود التربانتين شويه لو عاوزين اللوحه تنشف
بسرعه)ودى
صوره للزيت (طبعا المصريين اكتر ناس يعرفوا الزيت ده((بتاع الفووووول))
تقدروا تشتروا زيت حار من السرجه العاديه مش لازم اللى فى مكتبات الفنون
يعنى
[ندعوك للتسجيل في المنتدى أو التعريف بنفسك لمعاينة هذه الصورة]

5 نفط او تربانتين معدنى (اللى هو الجاز يعنى او ممكن تنر بداله) علشان
ننضف الفرش و احنا شغالين و ننضف هدومنا بيها كمان علشان لو الوان عليها و
لا حاجه

6 نحتاج لقطع قماش علشان لو حصل اى اخطاء فى اللوحه نمسحها بالقماشة

7 باليته خشبية او اى قطعه خشب[ندعوك للتسجيل في المنتدى أو التعريف بنفسك لمعاينة هذه الصورة]

8 طبعا الوان زيتية [ندعوك للتسجيل في المنتدى أو التعريف بنفسك لمعاينة هذه الصورة]

9 ممكن سكينة باليته و هى ليها اسلوبها فى الرسم بها بدون الفرش او بها...لكن مقدرش افيدكوا فى طرقها لانى لم استخدمها بعد

10 سكينة معجون علشان ننضف بيها البالته بعد الانتهاء من اللوحه

و بــــــس كده يبقى معانا كل حاجه محتاجينها علشان نرسم لوحه بالزيت...

حقول كمان شويه ادوات الرصاص و الفحم و الباستيل و غيرهم...

شكرا لك اخي أبو عبد الودود
[ندعوك للتسجيل في المنتدى أو التعريف بنفسك لمعاينة هذه الصورة]

شكرا لهذا الطرح الموثق بالصور والشرح ... جهد مشكور يا ابو ودود

[ندعوك للتسجيل في المنتدى أو التعريف بنفسك لمعاينة هذا الرابط]